Waaroor gaan die reeks?
Waar kom daardie sappige lamsvleis op jou kole vandaan? Wie is die boere wat dit moontlik maak? Hierdie is nie net ‘n program oor skaapboerdery nie – dit is ‘n storie oor familie, tradisie en passie!
In Lamb Champs se tv reeks neem ons jou regoor Suid-Afrika, waar ons 6 skaapboere van verskillende streke volg. Hulle deel hul storie, hul uitdagings en hul trots – die uitsonderlike lamsvleis wat uiteindelik op jou bord beland.
Lamsvleis is steeds ‘n ware familieproduk – iets spesiaal wat ons met geliefdes deel. Anders as hoender, bees en vark wat oor die jare verwerk is tot nugget-, patty- en worsformate, is lamsvleis nog lamsvleis. Dit bly ‘n ware, rou, natuurlike produk – en dit is wat Lamb Champs vier.
Saam met Saai, Pick n Pay en Toyota bring ons jou nader aan die mense agter die vleis. Dit gaan oor meer as net boerdery – dit gaan oor die storie agter die tjop op die rak.
- Verskyn: 16 Maart 2025, 20:00, Kyknet
- Tyd: 20:00
- Waar om te kyk: Kyknet or DSTV Catchup
Wen ‘n Luukse Wegbreek by Wyndford Vakansieplaas met Lamb Champs!
Lamb Champs & Wyndford Vakansieplaas bring vir jou ‘n ongelooflike geleentheid! Ter viering van die Lamb Champs TV-reeks op kykNET, gee ons vir jou die kans om ‘n luukse plaaswegbreek in die pragtige Maluti-berge te wen.
Sien ons Saai-inisiatiewe
Akkurate Weer, Markpryse & Deskundige Kennis op Jou Vingerpunte Landbou is vol onsekerhede—weer verander skielik, markpryse wissel daagliks, en betroubare advies is onontbeerlik. Wat as jy die beste landbouvoorligtingsbeampte beskikbaar kon hê, 24/7, met toegang tot intydse data, markinligting en kennersadvies om jou besluite te lei? Met AI Farmer, is dit presies wat jy kry.
Grondeise bly een van die grootste uitdagings vir boere en grondeienaars in Suid-Afrika. Met voortdurende beleidsveranderinge, regsonsekerheid en administratiewe vertragings, is dit noodsaaklik om ingelig en proaktief te wees oor jou plaas se status in die grondhervormingsproses.
Die landbousektor is besig om te verander, en daarmee saam ontstaan nuwe geleenthede vir jong professionele persone en aspirant-boere. Of jy nou ’n student, ’n pas afgestudeerde, of bloot passievol is oor ’n loopbaan in landbou, Landworks is jou sleutel tot sukses. Hoekom Landworks? Landworks is ’n toegewyde werkplatform wat landbou-werksoekers verbind met toonaangewende werkgewers in die industrie.
In ‘n baanbreker tree vir plaaslike boere, het Pick n Pay en die Suider-Afrikaanse Agri-inisiatief (Saai) ‘n vennootskap gesluit wat nie net die Lamb Champs-kompetisie borg nie, maar ook vir die eerste keer vir boere die geleentheid bied om hul vleis direk in Pick n Pay-winkels te verkoop. Hierdie ontwikkeling bring ‘n ongekende geleentheid vir familieboere om hul lamsvleis regstreeks aan verbruikers te bied, met ‘n spesiale in-huis handelsmerk wat die herkoms en gehalte van hul produkte uitlig.
Bou die Toekoms van Familieboerdery in Suid-Afrika Die toekoms van Suid-Afrikaanse landbou lê in die hande van jong, passievolle boere wat gereed is om innovasie, volhoubaarheid en entrepreneurskap te omhels. Saai Jongboere is ’n dinamiese inisiatief wat die land se voorste landbou-studenteverenigings—Tuks Landbou, Stellenbosch Landbou, Kovsies Agri, en Farmers Lovers—saambring om die volgende generasie landbouleiers te bemagtig.
Natuurrampe—hetsy brande, droogtes, vloede of erge weersomstandighede—kan boere oornag lam lê, hul inkomste, huise en bestaansmiddele vernietig. Met die regering se traagheid om doeltreffende hulp te verleen, het privaatinisiatiewe die ruggraat van landbou-ramphulp in Suid-Afrika geword. Saai speel ‘n sleutelrol om te verseker dat familieboere die ondersteuning kry wat hulle nodig het om te oorleef en te herbou.
Boere
Wie is Saai?
Saai is gestig om familieboere op hulle plase te hou.
Saai raak betrokke by alles wat die verskynsel van familieboerderye kan help oorleef; toegang tot finansiering, versekering, tegnologie, bemarking, politieke beleid, veiligheid, opvolgbeplanning en kompeterendheid.
In Saai doen ons baie moeite om klein dorpies staande te hou. Ons fokus op laerskole, gemeentes, koöperasies en gemeenskapsaktiwiteite ter wille van daardie gesinne vir wie dit hulle naaste dorp is.
Baie mense in die stad het nie meer ‘n oom of ‘n oupa wat boer nie, en hulle belewenis van kos eindig by ‘n winkelrak. Saai probeer die wêreld agter die rak vir hulle oopmaak en om hulle voor te stel aan die boer wat sorg dat daar nog goeie kos op die rak is.
Wat is Saai se verhouding met Lamb Champs?
Saai (Southern African Agri Initiative) is gestig met die doel om familieboere op hulle plase te hou. Hulle werk onverpoosd om familieboerderye te beskerm en te ondersteun, veral in uitdagende tye waar groot korporasies al hoe meer landboubedrywe oorvat. Saai se fokus strek oor toegang tot finansiering, versekering, tegnologie, bemarking, politieke beleid, veiligheid, opvolgbeplanning en volhoubaarheid, alles met die doel om familieboere se lewensvatbaarheid te verseker.
Lamb Champs is gebore uit hierdie kernmissie van Saai – om familieboere se belangrikheid te vier en te beskerm. Anders as hoender, bees en vark, wat deesdae grotendeels deur groot kommersiële korporasies gedryf word, is skaapboerdery nog in die hande van familieboere. Dit maak skaapvleis uniek – dit is nie bloot ‘n kommersiële produk nie, maar iets wat nog met sorg en tradisie deur generasies heen verbou word.
Wie moet ‘n Saai-lid word?
Saai-lidmaatskap is ontwerp vir enigiemand wat familieboerdery ondersteun, daarvan afhanklik is of dit wil beskerm.
Of jy nou self ’n boer is, deel is van die landbouwaardeketting, of net iemand wat in volhoubare en onafhanklike voedselproduksie glo, Saai is vir jou.
